情人節有冇收到禮物呢？未收到唔緊要，你哋都可以藉住白色情人節向心儀男仔表白！男士們一向都係「實際派」，送禮最重要以實用為主。但又想話畀佢知份禮物有雙重意義？睇吓以下禮物排行榜畀唔畀到Idea你啦！ 第一位：刻名銀包 銀包呢啲咁私人嘅貼身貴重物品，如果刻埋自己個名，就更顯獨一無二。而至於喺揀銀包款式方面，建議以簡約純色款為主，咁就唔怕會過時。 第二位：手作皮革用品 手作皮革用品摸落充滿質感，更重要係背後蘊含無限心思！坊間除咗有唔少皮革班畀大家報名之外，亦都有皮革手作套裝發售，女士們可以根據另一半嘅需要或者自己能力，嚟決定究竟整咩皮革用品作為禮物。 第三位：西裝 著起西裝，意味住踏入人生另一階段。送返套啱身嘅西裝畀另一半，唔單止有陪住對方一齊成長進步嘅意思，亦都可以令佢更有自信。 第四位：運動手錶 對於想塑造健美身型嘅男士嚟講，運動手錶絕對係一份貼心嘅禮物，可以畀佢隨時隨地瞭解自己嘅運動進度同體格狀況，鼓勵對方Keep住做運動。 第五位：咖啡機 如果你有一位鍾意品味咖啡嘅男朋友 / 老公，不妨考慮送返部咖啡機畀佢，等佢每朝沖第一杯咖啡嗰陣都可以諗起貼心嘅你。 其實搵情人同買禮物一樣，只要有目標，就唔難成事！立即  <按此>  預約1小時免費諮詢服務，由專家出手幫你Match返個好情人！

情人節就到，唔少人都花盡心思準備禮物送畀愛人。根據調查，原來女生們最想收到就係以下頭5位禮物。男士們，你哋識做啦! 第一位：保鮮花 係女仔都鍾意收花。不過愛情同鮮花一樣，最怕就係會凋謝，而只有保鮮花，就可以留低花朵最絢爛一刻，象徵住愛情都可以永遠keep住最美嘅Moment。 第二位：即影即有相機 而家嘅即影即有相機以光學原理曬相，唔使用電之餘拎出街又方便，絕對深得鍾意影相同自拍女士嘅歡心。 第三位：首飾 手鏈頸鏈有綁住對方嘅意思。送畀心愛嘅人就係想綁住對方嘅心，呢份禮物相當有心思。 第四位：鞋 喺韓國送鞋畀愛人有「跟我一起走」嘅含意。如果你愛人係韓迷，送鞋畀佢既實用又投其所好。 第五位：唇膏 女士們天生都係愛美，留意愛人用開邊個美妝品牌，然後揀最新出嘅唇膏，既可表現你嘅細心，又可以展示你為呢份禮物做足功夫，佢收到又點會唔感動呢。 諗到要買咩禮物，但未有情人？立即  按此  預約1小時免費諮詢服務，等我哋幫你搵返個合適你嘅情人，同你共度情人節啦！

七十後與八十後的婚後的相處模式有咩唔同？你理想的婚後相處模式又係邊一種？ 近年香港好流行講世代對比，工作、生活、事業各方面都可以比較一輪，甚至連通過婚姻介紹所作配對，以了解唔同世代嘅婚後相處模式都可以作出探討。 客觀而言，七十後與八十後最大的分別當然是出生年份，從而影響大學畢業投身職場的時間。 根據筆者觀察，七十後可以早於九十年代初已投入工作。假定投身的都是一般私人公司的工作而非專業人員或政府工，其實當時經濟環境較容許年輕人早婚，傳統地說就是成家立室，儲錢買樓再買樓，整個配套大致上變得傳統有序。 反觀八十後，由於大學畢業之時已經是2003 – 2010年代，事業未起步就已經經歷兩三次經濟低谷，加上近年社會較多事件衝擊。與七十後相比之下，可能較難成家立室，但又有充裕的消費力。婚前婚後都比較著重自由及自身追求，要多出走見識並作多方面嘗試，從而亦衍生婚姻介紹服務的需求及為婚姻介紹服務帶來商機。 事實上很難用年代年齡去概括不同的的婚後相處模式，但在每個人都有自己的生活和與另一半的相處模式的前題下，在諮詢婚姻介紹所作配對服務之前，就必需要與配對專員好好溝通，與其用世代去分辦，不如切切實實了解自己的配對需要。 咁你理想的婚後相處模式又係邊一種呢？

農曆新年可以話係「見家長」嘅最佳Timing，想喺一眾長輩嘅心目中留下深刻而難忘嘅好印象，就要參考以下宜忌，為拜年做足準備！ 衣著打扮 宜：大方得體 不論男女，打扮應以樸素斯文為主；有化開妝嘅女士化返個淡妝，望落精精神神就足夠。 忌：過於浮誇 話晒都係傳統喜慶日子，全身黑白就可免則免；而低胸衫同短裙亦唔夠莊重。另外化妝時輕手啲，切忌濃妝抹艷。 新年賀禮 宜：投其所好 買賀禮前先向另一半瞭解對方父母喜好，再揀選佢哋用得著嘅賀禮，令長輩覺得你花過心思。 忌：唔實用兼過於貴重 第一次見面未必適合送過於貴重嘅禮物，有機會嚇親世伯伯母之餘，佢哋亦未必啱用，造成浪費就唔好啦。 溝通交流 宜：保持禮貌 入屋之後記得清清楚楚咁同世伯伯母以及其他長輩打招呼，跟手講多幾句祝賀說話，自然可以輕易加分；再全程保持微笑，畀人感覺你和藹兼親切。 忌：零交流或開籠雀上身 初次見面難免緊張，但絕對唔可以同長輩零交流，但亦都唔好吱吱喳喳講唔停，令長輩覺得你無禮貌。 言行舉止 宜：成為禮儀大使 食飯時等長輩起筷先，同時保持良好食相；如果長輩邀請你一齊打麻雀，適當時候識做咁輸少少，等佢哋高興吓。 忌：無大無細 [...]

之前提過選擇婚姻介紹服務嘅要點，響揀啱婚姻介紹所嘅同時，其實單身嘅朋友可以都仲有唔少自身素質需要提升，先可以自然咁去認識陌生異性，再慢慢發展關係。 通常大家響探討配對問題時，往往都將注意力放响婚姻介紹服務，又或者自身外表等硬件之上，但其實往往自己嘅心理恐懼反而先係需要首先解決問題。例如： 怕羞 呢個最弊。唔駛講，直情正常對答表現自己都做唔到 怕瘀 「喂！主動有D幽默感攪下笑但人地唔笑咪好瘀皮？」 懼怕異性 – 唔了解異性心理 「女仔就一定想人細心架啦！等我多D噓寒問暖問問問關心多D先」 自卑 「唉！個男仔咁叻又靚仔 (其實好普通) 又點會想同我發展呢？」 過份擔心別人的想法 「我第一句同佢講Hi 好 定 你好嗎 會親切D呢？」 [...]

相信唔少人以為令另一半抵禦唔到嘅情話，非「我愛你」莫屬，實情點會咁簡單！然而有外國婚姻治療師分享令感情迅速升溫嘅話語，竟然另有他選！想同伴侶嘅關係更加親密，不妨講多啲以下4句說話！ 1. 「我會陪住你」 人生總會面對逆境，簡單一句「我會陪住你」，意味伴侶將自己放喺第一位，無論遇到任何困難，對方都會喺自己身邊，比起講「我愛你」有高出幾倍嘅安慰作用。 2. 「我相信你」 當面對挑戰或者懷疑自己能力嘅時候，都會想有人支持自己；而一句鼓勵性滿分嘅「我相信你」，可以幫伴侶增強自信心同安全感，令佢更相信自己嘅決定，敢於踏出第一步。 3. 「你好靚 / 靚仔」 情侶間相處耐咗，對另一半愈來愈熟悉之後，讚美嘅說話會相對少咗；不妨同對方講多幾句「你好靚 / 靚仔」，將愛情保鮮。 4. 「多謝你」 另一半為自己所做嘅一切，並唔係理所當然，多啲同對方講「多謝你」，肯定佢為自己嘅付出，Keep住感謝同欣賞伴侶，有助維繫感情。 你又認為邊一句最Powerful呢？立即 按此 預約1小時免費諮詢服務，同我哋分享你對情話嘅睇法啦！

愛情無分種族、性別、甚至年齡。只要係真愛，就可以經得起風浪、通過生活上嘅考驗、唔輕易受到一般外在條件影響、不用怕受到別人標籤，最終必定能共諧連理。 即使經歷過婚姻失敗或者喪偶之痛，亦無須絕望，因為下一段更好嘅愛情，或者就係轉角處。 社會成功例子： 資深演員陳榮峻以及吳香倫嘅「黃昏戀」曾係社會上嘅一時佳話，佢哋嘅愛情得來不易，排除萬難後終於可以同對方共度下半生，並得到大家嘅祝福。 陳榮峻同吳香倫入行多年，但從未相遇。陳榮峻嘅前妻喺2010年因病逝世，當時佢傷心到曾經一度想自殺，幸好之後因為拍劇認識到吳香倫，吳香倫更幫陳榮峻走出喪妻之痛，其後二人發展成情侶，陳榮峻並喺2017年TVB舉行嘅盆菜宴上，當住2千人面前下跪向吳香倫求婚，在場人士都大為感動。 (圖片來源: KKNews) 幸福中轉站 每個人喺愛情路上或會跌跌碰碰，並非一帆風順；亦可能擔心世俗眼光再加上自己嘅心理障礙，未能勇於追求第二段愛情。而我哋嘅婚姻配對平台，就可以幫你放底過去不愉快經歷，重拾對追求真愛嘅信心。按此 聯絡專業顧問預約1小時免費諮詢，踏出你嘅第一步！

愛情，令人嘗盡甜、酸、苦、辣；愛情，叫人歷盡喜、怒、哀、樂。以下4句愛情語錄，邊句令你有最深體會？   (1) 「我愛你不是因為你是誰，而是我在你面前可以是誰。」 卸下面具，喺另一半面前做返最真實嘅自己，絕對可以令一段關係昇華至另一階段；但如果唔敢喺伴侶面前展現真我，最辛苦嘅可能係自己。 (2) 「不要期待完美情人，不是因為你期待不到，而是根本沒有完美情人」 唔少人喺揀另一半時會有一連串要求：要有6尺高、要有好身材、至少月入3萬、要溫柔體貼...... 需知道人無完美，而終日要求搵到一個中晒你Check List嘅伴侶，只會係天方夜譚。 (3) 「好的愛情是你通過一個人看到整個世界」 愛情，並唔係你整個世界只得佢一個人，而係你擁有一位愛侶嘅同時，你哋可以交換唔同睇法、互相探索對方喜好、甚或瞭解彼此嘅價值觀，令你倆嘅世界愈嚟愈大，自然可以走得更遠。 (4) 「愛情不是最初的甜蜜，而是繁華退卻依然不離不棄」 歌都有得唱「幾多對 持續愛到幾多歲」，當甜蜜褪色，激情不再，你又願唔願意執子之手，與子偕老？   想搵人傾訴您對愛情嘅睇法？立即 按此 [...]

「男人一生，只為尋覓一個肯同自己捱麥記嘅女人……」捱麥記當然唔係重點，重點在於喺漫長嘅人生旅程中，能夠搵到一個願意與你同甘共苦嘅女伴 —— 當你遇上挫折，佢依然緊握你手共同渡過難關；當你失意，佢用盡所有方法鼓勵你；當你奮力打拼，佢幫你安頓好所有大小事；當你成功，佢比任何人更開心激動...... 要搵到齊集以上條件嘅另一半，你可以話係天方夜譚，咁不如睇睇以下10項伴侶特質，睇吓有邊幾項正中你心意？ (1) 會體諒你嘅處境 (2) 入得廚房、出得廳堂 (3) 尊重同愛錫你屋企人 (4) 給予你適當嘅自由空間 (5) 會欣賞同讚賞你 (6) 無限量支持 (7) 樂於包容你嘅缺點 (8) 喺你朋友面前會「識做」 [...]

擇偶條件，因人而異，而「你」想中嘅結婚對象，又需要具備咩優點？以下10項伴侶特質，唔知你又會睇重邊幾樣呢？ (1) 尊重對方私隱 (2) 願意陪你試新事物 (3) 識得控制情緒 (4) 會照顧埋你屋企人 (5) 肯幫手打理家頭細務 (6) 一個可靠嘅「避風塘」 (7) 會聽你吐苦水 (8) 有抱負肯承擔 (9) 樂於包容你嘅缺點 (10) [...]